Սիրելի՛ ռազմական բժիշկներ, շնորհավորում ենք մասնագիտական տոնի առթիվ։
Բժշկությունը պահանջում է անմնացորդ նվիրում, մշտական ուշադրություն, պարտքի և պատասխանատվության բարձր գիտակցություն․ սրան զուգահեռ՝ բանակը նույնպես պահանջում և պարտադրում է նույնը` բոլոր ծառայողներին, այդ թվում բժիշներին․ ուստի ռազմական բժիշկներին, մասնագիտության և ծառայության բերումով, կարող ենք իրավմամբ համարել ամենապատասխանատուն ու ամենապահանջվածը և՛ առողջապահությունում, և՛ բանակում։
Բանակը հայրենիքի հենարաններից է, իսկ որոշ կրիտիկական վիճակներում՝ միակ հույսը, և շատ իրավիճակներում ռազմական բժիշկները բանակում ծառայողների միակ հույսն են։ Այդ են վկայում ռազմական բժիշկների շնորհիվ փրկված բազմաթիվ կյանքերն ու շարք վերադարձած զինվորներն ու սպաները։
Բանակում ծառայողների առողջության մասին հոգացող ռազմական բժիշկների դերն ու նշանակությունը միշտ պետք է բարձր գնահատվեն ինչպես բանակի, հասարակության, այնպես էլ հանրապետության ղեկավարության կողմից և նրանք պետք է մշտապես զգան բոլորի հոգածությունն ու ուշադրությունը։
Նորից շնորհավո՛ր, սիրելի գործընկերներ, Մաղթում ենք ձեզ՝ քաջառողջություն, պայծառ միտք և ամուր նյարդեր, հարգանք ու պատիվ, սեր ու նվիրում, մշտական կատարելագործում և շարունակական զարգացում, և խաղաղություն ծառայությունում ու ընտանիքում։ Աստված պահապան ձեզ, ձեր ընտանիքներին, մեր բանակին և հայրենիքին։
ՀԲԱ գործադիր վարչություն
2004-2022 © Հայկական բժշկական ասոցիացիա
