Պետություն-մասնագիտական հանրույթ համագործակցության արդյունավետությունը բարձրացնելու և ինստիտուցւոնալ հիմքերի վրա դնելու նպատակով համագործակցության հուշագիր ստորագրելու առաջարկն Անահիտ Ավանեսյանն արել էր ավելի վաղ` նախարարի մասնակցությամբ ՀԲԱ Խորհրդի և Գործադիր վարչության համատեղ նիստի ժամանակ:

«Այն բոլոր պայմանավորվածությունները, որոնք երկուստեք ձեռք են բերվել, այսօր կվերահաստատենք համագործակցության հուշագրի ստորագրմամբ»,- նշել է նախարարը` հույս հայտնելով, որ համագործակցության արդյունքում մասնագիտական փորձառություն ունեցող հանրույթի ձայնն առավել լսելի կդառնա:

Հայկական բժշկական ասոցիացիայի նախագահ Արմեն Սողոյանը ընդգծել է. «Պետական ապարատը և մասնագիտական հանրույթն ինստիտուցիոնալիզացնում են իրենց համագործակցությունը: Երկու կողմն էլ ձեռք բերեց վստահելի գործընկեր»:

«Նշանակալի իրադարձություն է, երբ պետությունն՝ ի դեմս առողջապահության նախարարության և մասնագիտական հանրույթը ՝ ի դեմս Հայկական բժշկական ասոցիացիայի, երկուստեք համագործակցության ձեռք են պարզել», ասել է Առողջապահության ազգային ինստիտուտի տնօրեն Ալեքսանդր Բազարչյանը:

Ներկաները շեշտել են, փաստաթղթի ստորագրումը Հայաստանի առողջապահության համակարգի համար նշանալի իրադարձություն է, որը կնպաստի հուշագրով նախատեսված ուղղություններում աշխատանքներն ավելի համակարգված և արդյունավետ դարձնելուն:

2004-2022 © Հայկական բժշկական ասոցիացիա