Այս տարի Հայկական բժշկական ասոցիացիան (ՀԲԱ) կլինիկական այցեր կկատարի մարզային պոլիկլինիկաներ և հիվանդանոցներ:
Այցելության ընթացքում կցուցաբերվի բժշկական օգնություն, կհատկացվեն դեղորայք եւ բուժսարքավորումներ:
Ըստ ասոցիացիայի նախագահ Պարունակ Զելվեյանի, անցած տարի նման այցեր են կազմակերպվել Արմավիրի, Լոռու, Արարատի մարզեր, Աբովյանի կանանց գաղութ, Ճամբարակ և Սպիտակ: Հետազոտվել են 1200-ից ավելի հիվանդներ, բաժանվել է դեղորայք և գրականություն «Առողջ ապրելակերպիե վերաբերյալ: Մի շարք կլինիկաների հանձնվել են Օնտարիոյի հայկական համայնքի ուղարկած բուժսարքավորումներ:
Այցելությունների ընթացքում տեղի բժիշկների համար կազմակերպվում են նաև կլոր սեղաններ: Պ. Զելվեյանը նշեց, որ իրենք հատուկ են վերաբերվում Սպիտակի մանկատանը, որտեղ «Մայր Թերեզաե բարեգործական կազմակերպության հովանավորության տակ գտնվող հաշմանդամ և մտավոր հետամնաց երեխաներին միշտ բժշկական օգնություն են ցուցաբերում:
Ասոցիացիան նախատեսում է այս տարի նաև հեռուստատեսային ծրագիր սկսել, որը ասոցիացիայի նախագահի վստահեցմամբ, չի ունենա գովազդային բնույթ:
2004-2022 © Հայկական բժշկական ասոցիացիա
