14.05.2021թ. Հայ-Ամերիկյան Առողջության Կենտրոնում տեղի ունեցավ Հայկական Բժշկական Ասոցիացիայի (ՀԲԱ) համագումարը, որին մասնակցում էին 34 մասնագիտական ասոցիացիաների պատվիրակներ։
Օրակարգում՝ ՀԲԱ կանոնադրական փոփոխություններ և ղեկավար կազմի ընտրություններ։
Իրականացված կանոնադրական փոփոխությունների արդյունքում Հայկական բժշկական ասոցիացիան վերածվեց ասոցիացիաների ասոցիացիայի՝ միավորելով ՀԲԱ անդամակցելու դիում ներկայացրած 39 մասնագիտական աոցիացիաների:
Կանոնադրությամբ հաստատվեց նաև, որ Համագումարների միջև ընկած ժամանակահատվածում ՀԲԱ կառավարման բարձարագույն մարմինն է լինում անդամ ասոցիացիաների նախագահներից կազմված Խորհուրդը, Ընտրված նախագահի ինստիտուտի ներդրմամբ կանոնադրության ուժով ՀԲԱ նախագահը փոխվում է երկու տարին մեկ, ՀԲԱ ղեկավարման գործառույթն իրականացնում է Գործադիր վարչությունը նախագահի և ընտրված նախագահի հետ միասին:
Ընտրությունների արդյունքում Հայկական բժշկական ասոցիացիայի Ընտրված նախագահ ընտրվեց Հովհաննես Հովհաննիսյանը:
Վարչության նոր ընտրված անդամներն են`
- Սերգեյ Սարգսյան
- Երվանդ Հակոբյան
- Մանիկ Գեմիլյան
- Հայկ Ենոքյան
- Սեդրակ Նարիմանյան
- Սևակ Պապոյան
- Գևորգ Փաշիկյան
- Լուսինե Հարությունյան:
Ամրագրվեց նաև, որ առողջապահության ոլորտի մասնագետներին ներկայացնող ասոցիացիաները միավորող Հայկական բժշկական ասոցիացիան զերծ է մնում քաղաքական գործընթցների մասնակցությունից, ինչպես ձևակերպեց ՀԲԱ գործող նախագահ Արմեն Սողոյանը՝ «մասնագիտական ոլորտը ներկայացնող ասոցիացիաների ասոցիացիան կարիք չունի սպասարկելու որևէ քաղաքական ուժի շահերը, քաղաքական ուժերը պետք է սպասարկեն բնակչության առողջության պահպանումն ու բարելավումը նպատակ դարձրած առողջապահության ոլորտի մասնագետների հավաքական կամքին»:
2004-2022 © Հայկական բժշկական ասոցիացիա
