Հայկական բժշկական ասոցիացայի հայտարարությունը
04-10-2019
ՀԲԱ-ն դատապարտում է ցանկացած արարք, ինչը ստվեր է գցում բժշկի պատվին և արժանապատվությանը և վտանգում մարդու, այդ թվում բժշկի առողջությունը։
Առավել ևս, դատապարտելի է, երբ բժիշկների միջև որևէ խնդիր լուծելու փորձ արվում է գործընկերային հարաբերություններից դուրս։
Հարցերը բռնության և ֆիզիկական ուժի կիրառմամբ լուծելը դատապարտելի է անկախ այն ծնող պատճառներից, իրականացնողների կարգավիճակից, ֆիզիկական և խոսքային/լեզվական հնարավորություններից։
Կոչ ենք անում բոլոր մեր գործընկերներին հետայսու զերծ մնալ`
- որևէ հարց գործընկերային հարաբերություններից դուրս լուծելու փորձերից
- արդեն իրավապահների վարույթին հասած երևույթի մասին որևէ կողմնակալ դրսևորումներից:
Որևէ հարց գործընկերային հարաբերություններից դուրս լուծելը բացառելու նպատակով առաջարկում ենք բոլոր կոնֆլիկտոգեն հարցերը, առանց սեփական խոսքային/լեզվական հնարավորություններին կամ ֆիզիկական ուժին ապավինելով լուծել փորձելը՝ ներկայացնել ՀԲԱ Էթիկայի հանձնաժողովում քննարկման։
Արդարության գործոնի ապահովումը երաշխավորում ենք։
2004-2022 © Հայկական բժշկական ասոցիացիա
