Server InfoԱրմեն Սողոյանի հետ զրուցեցինք Հայկական բժշկական ասոցիացիայի և նրա գործունեության մասին:

- Այս տարի՝ հունիսի 21-ին, Հայ Ամերիկյան առողջության կենտրոնում Հայկական բժշկական ասոցիացիայի նախաձեռնությամբ, ստորագրվեց փոխըմբռնման հուշագիր: Ի՞նչ կողմերի միջև է կնքվել հուշագիրը:

- Բուժաշխատողի օրվա առթիվ Հայկական բժշկական ասոցիացիան՝ մասնագիտական ասոցիացիաների հետ, կազմակերպել էր «Մասնագիտական ասոցիացիաների դերը արդի առողջապահության ոլորտում» թեմայով խորհրդաժողով: Խորհրդաժողովի արդյունքում 32 ասոցիացիաների կողմից ստորագրվեց փոխըմբռնման հուշագիր, համաձայն որի հուշագիրը ստորագրած ասոցիացիաները միասնաբար համագործակցելու են Հայկական բժշկական ասոցիացիայի հետ:

- Խնդրում եմ մանրամասնել, ո՞րն է հուշագրի նպատակն ու կարևորությունը:

- Հուշագրի նպատակն է՝ բարձրացնել առողջապահության ոլորտի բարեփոխումների արդյունավետությունը և բուժաշխատողների դերը, բարձրացնել համաշխարհային և տարածաշրջանային կազմակերպություններում հայաստանյան կազմակերպությունների լիարժեք ներգրավումն ու գործունեության արդունավետությունը, մշակել և իրականացնել բժշկագիտության և գործնական բժշկության զարգացմանն ուղղված համատեղ ծրագրեր, ինչպես նաև բարձրացնել պետական և մասնագիտական հասարակական կազմակերպությունների համագործակցության արդյունավետությունը։

- Ի՞նչ նոր գաղափարներ, կամ համագործակցային ծրագրեր քննարկվեցին տվյալ պանելի ընթացքում: Ինչո՞վ կարևորվեց այն:

- Պանել քննարկման ընթացքում, ելույթ ունեցող հայաստանյան կազմակերպությունները համառոտ ներկայացրեցին իրենց կազմակերպությունները, այնուհետ ներկայացվեցին Ռուսաստանի հայ բժիշկների միությունը և Ամերիկայի հայ բժիշկների ընկերությունը։ Հայաստանյան կազմակերպությունների կողմից, որպես համագործակցության թիրախներ նշվեցին մասնագիտական ասոցիացիաների դերի բարձրացման, կլինիկական ուղեցույցների, գործելակարգերի, շարունակական կրթական ծրագրերին առնչվող խնդիրները։

Ռուսաստանյան և ամերիկյան կազմակերպությունների կողմից ավելի կարևորվեց 2021թ․ Մոսկվայում կայանալիք Հայկական բժշկական միջազգային կոմիտեի 13-րդ վեհաժողովին ավելի ներկայացուցչական և կազմակերպված մասնակցության հարցը, և դրանում Հայկական բժշկական ասոցիացիայի համախմբող դերի բարձրացումը։ Քննարկման արդյունքում մեկ անգամ ևս փաստվեց Հայկական բժշկական ասոցիացիայի հետ համագործակցության սերտացման անհրաժեշտությունը։ Այստեղ անհրաժեշտ է ընդգծել, որ չկա որևէ շահերի բախում Բժշկական ասոցիացիայի և նեղ մասնագիտական ասոցիացիաների միջև, այլ կա միայն միմյանց ուժեղացնելու և արդյունավետությունը բարձրացնելու հնարավորություն, ինչը լայն դաշտ է բացում կոնսոլիդացիոն գործընթացների համար։

Պանելի քննարկմանը ելույթ ունեցան.

• Երվանդ Հակոբյան - Հայկական արյունաբանական ասոցիացիա
• Կոստան Ղալումյան Ռադոլոգներների հայկական ասոցիացիա
• Արմեն Վարոսյան - «Անեսթեզիոլոգների և ռեանիմատոլոգների (ինտենսիվիստների) միավորում» ՀԿ
• Հասմիկ Ղազինյան - Հայկական Լյարդաբանական ասոցիացիա
• Լամարա Մանուկյան – Ներքին հիվանդությունների բժշկության հայկական ասոցիացիա
• Սուրեն Ստեփանյան - Վիրաբույժների հայկական ասոցիացիա ՍՍ
• Համայակ Սիսակյան - Սրտաբանների հայկական ասոցիացիա
• Գեղանուշ Ստեփանյան – Հայաստանի բուժքույրերի միավորում ասոցիացիա
• Ռուբեն Հովհաննիսյան - Ուրոլոգներ հայկական ասոցիացիա
• Վարտա Բաբալյան - Օստեոպորոզի հայկական ասոցիացիա
• Վահան Գևորգյան - Բժշկական լաբորատոր ախտորոշման մասնագետների ասոցիացիա
• Մկրտիչ Մկրտչյան – Հայկական թորակալ ասոցիացիա

Քննարկմանը ներկա էին և զուտ ժամանակի սղության պատճառով ելույթներ չունեցան Մաշկավեներաբանների հայկական ասոցիացիայի, Վերարտադրողական առողջության հայակական ասոցիացիայի, Հայաստանի երիտասարդ ակնաբանների ասոցիացիայի, Պաթֆիզիոլոգների հայկական ասոցիացիայի, Հայկական հոգեբուժական ասոցիացիա, Քիթ-կոկորդ-ականջաբանների հայկական ասոցիացիայի ներկայացուցիչները։

Ռուսաստանյան բժիշկների ղեկավար կազմի ներկայացուցիչը Ստեփան Մաթևոսյան (ղեկավարը՝ Բագրատ Ալեքյան, մեկնել էր նախորդ օրը):

Աղբյուր - 5imca

2004-2022 © Հայկական բժշկական ասոցիացիա