Ձեր ուշադրությանն ենք ներկայացնում ՀԲԱ-ի կողմից մշակվող «Բժշկական էթիկայի կանոնակարգի» նախնական տարբերակը: Մենք ուրախ կլինենք ստանալ Ձեր կարծիքները եւ դիտողությունները ներկայացվող նյութի վերաբերյալ, որոնք կարող եք անմիջականորեն ուղղել մեզ՝ հետադարձ կապի էջից:

Շնորհակալություն:

ԲԺՇԿԻ ՀԻՄՆԱԿԱՆ ՊԱՐՏԱՎՈՐՈՒԹՅՈՒՆՆԵՐԸ

ԲԺԻՇԿԸ ՊԱՐՏԱՎՈՐ Է

• Մշտապես ներկայացնել իր մասնագիտական անկախ տեսակետները և պահպանել մասնագիտական վարվելակերպի բարձրագույն նորմերը:
• Հարգել բուժումն ընդունելու կամ մերժելու պացիենտի իրազեկված լինելու իրավունքը:
• Թույլ չտալ, որ իր մասնագիտական դիրքորոշումը կրի անձնական շահի կամ անարդար խտրականության ազդեցությունը:
• Հակված լինել տրամադրելու մասնագիտական և բարոյական առումով ամբողջապես անկախ ու համարժեք բուժական ծառայություններ` պահպանելով մարդուհանդեպ հարգանքը և հոգատարությունը:
• Լինել ազնիվ պացիենտների և գործընկերների հետ և ներկայացնել համապատասխան մարմիններին այն բժիշկների մասին, ովքեր գործում են էթիկայի և իրավասության սահմաններից դուրս կամ զբաղված են խաբեությամբ և խարդախությամբ:
• Չունենալ որևէ ֆինանսական շահ կամ այլ դրդապատճառ պացիենտին ուղեգրելիս կամ հատուկ բուժում նշանակելիս:
• Հարգել պացիենտների, գործընկերների և առողջապահության այլ ոլորտների մասնագետների իրավունքներն ու նախասիրությունները:
• Ընդունել իր կարևոր դերը հանրությանը կրթելու գործում, սակայն զգուշանալ հայտնագործությունները, նոր տեխնոլոգիաները և բուժման նոր մեթոդները ոչ մասնագիտական ուղիներով լսարանին հասցնելուց:
• Պաշտոնապես հաստատել միայն այն, ինչն անձամբ է ստուգել:
• Ձգտել լավագույնս օգտագործել առողջապահական միջոցները` ի շահ պացիենտների և նրանց ընտանիքների:
• Համարժեք ուշադրություն և խնամք ցուցաբերել այն դեպքերում, երբ պացիենտը տառապում է որևէ հոգեկան կամ ֆիզիկական հիվանդությամբ:
• Հարգել տեղական և ազգային էթիկայի նորմերը:

ՊԱՑԻԵՆՏՆԵՐԻ ՀԱՆԴԵՊ ՊԱՐՏԱՎՈՐՈՒԹՅՈՒՆՆԵՐԸ

ԲԺԻՇԿԸ ՊԱՐՏԱՎՈՐ Է

• Մշտապես հիշել մարդու կյանքի նկատմամբ պարտադիր հարգանքի մասին:
• Բժշկական օգնություն տրամադրելիս առաջնորդվել հիվանդի առավելագույն շահերով:
• Պահպանել իր պացիենտի հանդեպ լիարժեք օրինապահությունը և գիտական ռեսուրսների մատչելիությունը: Եթե հետազոտությունը կամ բուժումը վեր է իր հնարավորություններից, նա պետք է խորհրդակցի կամ ուղեգրի պացիենտին համապատասխան հնարավորություններ ունեցող այլ բժշկի մոտ:
• Հարգել պացիենտի գաղտնապահության իրավունքը: Էթիկայի սահմաններում բացահայտել պացիենտի վերաբերյալ գաղտնի տեղեկատվությունը իր իսկ համաձայնությամբ կամ երբ առկա է պացիենտի և ուրիշների բուժմանը սպառնացող իրական վտանգ, և այդ բուժումը կարող է իրականացվել միայն գաղտնապահության սկզբունքների խախտմամբ:
• Տրամադրել անհետաձգելի օգնություն որպես մարդասիրական պարտավորություն, մինչև հավաստիանալը, որ մեկ ուրիշը ցանկանում է և կարող է տվյալ օգնությունը ցուցաբերել:
• Որպես երրորդ կողմ հանդես գալու դեպքում համոզվել, որ պացիենտը լիարժեքորեն տեղեկացված է տվյալ իրավիճակի վերաբերյալ:
• Չմտնել սեռական, բռնի կամ չարաշահող հարաբերությունների մեջ իր պացիենտների հետ:

ԳՈՐԾԸՆԿԵՐՆԵՐԻ ՀԱՆԴԵՊ ՊԱՐՏԱՎՈՐՈՒԹՅՈՒՆՆԵՐԸ

ԲԺԻՇԿԸ ՊԱՐՏԱՎՈՐ Է

• Գործընկերներին վերաբերվել այնպես, ինչպես կցանկանար, որ նրանք վերաբերվեին իրեն:
• Չխաթարել իր գործընկերների հարաբերություններըպացիենտի հետ վերջինիս գրավելու նպատակով:
• Ըստ բժշկական անհրաժեշտության` հաղորդակցվել հիվանդի բուժման մեջ ներգրավված այլ գործընկերների հետ` այդ ընթացքում հարգելով պացիենտի տվյալների գաղտնապահությունը և սահմանափակվելով միայն անհրաժեշտ եղեկատվությամբ:

Այս օգտակար ծրագրից օգտվելու համար խնդրում ենք վարբեռնել ֆայլը, rar ծրագրով ետարխիվացնել այն, եւ բացել այդ ֆայլը MS Access-ով:

Ծրագրի կատարյալ աշխատանքը պահանջում է, որ դուք բացեք “Security Warning: Certain content in the database has been disabled"-ի հարեւանությամբ գտնվող “Options” պատուհանը, ընտրեք “Enable this content"-ը եւ սեղմեք “OK"-ը:

Անհրաժեշտության դեպքում խնդրում եք Ձեր հարցերն ուղղել Ռ. Բաղդասարյանին՝ dialrafo[at]yandex.ru էլ. հասցեով:

Լրացուցիչ. Նախապես հայտարարված ս.թ. ապրիլի 17-ի հանդիպումը հետաձգվել է տեխնիկական պատճառներով: Հայցում ենք Ձեր ներողամտությունը: Մոտ օրերս կտեղադրվի առաջիկա հանդիպման ամսաթիվը եւ վայրը:

Ասոցիացիայի կողմից կներկայացվի երկու զեկույց՝

1. Առողջապահության համակարգի ֆինանսավորման հիմնախնդիրները ֆինանսական ճգնաժամի պայմաններում
2. Հիմնախնդրի լուծման հնարավոր ուղիները

Հուսով ենք, որ Ձեր շահագրգիռ մասնակցությունը ավելի բովանդակալից և արդյունավետ կդարձնի քննարկումը:

Ձեր դիտողությունները եւ առաջարկությունները կարող եք ուղարկել մեզ՝ հետեւյալ էջից:

Առայժմ մենք չենք կարող ապահովել անդամավճարի էլեկտրոնային փոխանցում, այդ իսկ պատճառով խնդրում ենք Ձեզ համապատասխան վճարները կատարել Հայկակակն Բժշկական Ասոցիացիայի գրասենյակում` Թումանյան 38/9 հասցեով:

Ներքևում նշված անդամավճարը հաշվարկված է եվրոյով:

	Հայաստան	Զարգացող երկրներ	Զարգացած երկրներ
Շարքային	20*	40*	90*
Ուսումնառող	10*	20*	40*
Տարեց	10*	20*	40*
Վաստակավոր	30*	60*	130*

*Անդամավճարն ընդունվում է ՀՀ ազգային դրամով:

ՀՀ ազգային դրամի համար

ՙԱռէկսիմբանկ՚ Հայաստանի Հանրապետություն, Երևան
Հաշի համարը: 138260100
Հաշվետիրոջ անվանումը: Հայկական Բժշկական Ասոցիացիա

For EURO:

Beneficiary Bank: A/c No. 0812190400, AREXIMBANK CJSC, Yerevan, Armenia. SWIFT: RKASAM22
Intermediary Bank: DRESDNER BANK AG, Frankfurt/Main, Germany. SWIFT: DRESDEFF
Beneficiary Name: Armenian Medical Association.
Account Number: 01382690149

For USD:

Intermediary Bank: DRESDNER BANK AG, FRANKFURT/MAIN, GERMANY
SWIFT: DRESDEFF
Acc. No. 0812190400/400
Beneficiary Bank: AREXIMBANK CJSC, Yerevan, Armenia.
SWIFT: RKASAM22
Armenian Medical Association.
Account Number: 138260102

*Խնդրում ենք որևէ դրամային փոխանցում կատարելուց հետո ուղարկել ֆաքս կամ էլեկտրոնային նամակ:

Անդամավճարները Դուք կարող եք մուծել նաև Հայկակական Բժշկական Ասոցիացիայի գրասենյակում` Թումանյան փ. 38/9 հասցեով:

Մանրամասն տեղեկությունների և ծագող հարցերի դեպքում դիմեք մեզ:

Պատվավոր անդամի կոչումը շնորհվում է կենդանության օրոք` ընձեռելով համապատասխան առավելություններով:

Երիտասարդ Բժիշկների Միջազգային Գիտաժողովի նախագահի մրցանակ

Առանձին սեկցիաների հաղթողների աշխատանքները կգնահատվեն գիտաժողովի նախագահի կողմից և ներկայացված աշխատանքներից մեկը կպարգևատրվի նախագահական մրցանակով:

Պարտադիր պայմաններն են.

• հաղթողը պետք է ծնված լինի 1963թվ. կամ ավելի ուշ


• պետք է լինի գիտաժողովին ներկայացրած գիտական աշխատանքի սեղմագրի առաջին հեղինակը


• պետք է կատարի գրանցման վճարը նախօրոք

Ազգային պատկանելիության խտրականություն և ներկայացվող աշխատանքների վերաբերյալ սահմանափակումներ չկան:

Դրամաշնորհը կազմում է 1200$ ԱՄՆ դոլլար:

Պարգևը հաղթողներին շնորհվում է գիտաժողովի փակման արարողության ժամանակ:

Հաղթողները պարտավորվում են գիտաժողովին պարգևատրված գիտական աշխատանքները ներկայացնել ArMJ ամսագրում տպագրության` գիտաժողովից ոչ ուշ քան 3 ամիս հետո ժամանակահատվածում:

Արտերկրում կարճաժամկետ դասընթացների համար տրվող դրամաշնորհ

Պարտադիր պայմաններն են.

• հաղթողը պետք է ծնված լինի 1963թվ. կամ ավելի ուշ


• պետք է լինի գիտաժողովին ներկայացրած գիտական աշխատանքի սեղմագրի առաջին հեղինակը


• պետք է կատարի գրանցման վճարը նախօրոք


• Անկախ ազգային պատկանելիությունից իր մասնագիտական գործունեությունը պետք է ծավալի ՀՀ-ում


• Մրցույթի ժամանակ Հայկական Բժշկական Ասոցիացիայի անդամները ունեն առավելություն

Էդմոնդ Քյոսայանի Հիշատակի Հիմնադրամի Դրամաշնորհ

Կիրառական և Ֆունդամենտալ Սրտաբանության ասպարեզում ձեռքբերումների համար:

Այս Դրամաշնորհը սահմանվել է Հայկական Բժշկական Ասոցիացիայի կոզմից` Էդմոնդ Քյոսայանի Հիշատակի Հիմնադրամի օգնությամբ 2001թվ.: Դրամաշնորհին կարող են արժանանալ կիրառական և տեսական սրտաբանության ոլորտում գիտական ուսումնասիրություններ իրականացրած երիտասարդ գիտնականները:

Պարտադիր պայմաններն են.

• հաղթողը պետք է ծնված լինի 1963թվ. կամ ավելի ուշ


• պետք է լինի գիտաժողովին ներկայացրած գիտական աշխատանքի սեղմագրի առաջին հեղինակը


• պետք է կատարի գրանցման վճարը նախօրոք


• ներկայացրած գիտական աշխատանքը պետք է վերաբերվի սրտաբանությանը


• Մրցույթի ժամանակ Հայկական Բժշկական Ասոցիացիայի անդամները ունեն առավելություն

Դրամաշնորհի կատեգորիաներն են`

1. Կիրառական հետազոտություններ կիրառական սրտաբանության և սրտանոթային վիրաբուժության բնագավառներում:
2. Տեսական սրտաբանություն` ներառյալ ‎սրտի ֆիզիոլոգիան, պաթոլոգիան, մոլեկուլյար և բջջային սրտաբանությունը և այլն:

Հաղթողը յուրաքանչյուր կատեգորիայում պարգևատրվում է 2000$ ԱՄՆ դոլլարի չափով:

Պարգևը հաղթողներին շնորհվում է գիտաժողովի փակման արարողության ժամանակ:

Ճանպարհորդային Դրամաշնորհ

Հայկական Բժշկական Ասոցիացիան սահմանափակ քանակությամբ ճանապարհորդային դրամաշնորհներ տրամադրում է արտերկրի երիտասարդ բժիշկներին, որոնք պետք է ներկայացնեն բանավոր կամ պոստերային աշխատանքներ:

Նախապատվությունը տրվում է մինչև 35 տարեկան կամ ուսումնառության մեջ գտնվող, ներկայացված աշխատանքի առաջին հեղինակներին: Զարգացող երկրներից մասնակցող բժիշկներն ունեն առավելություն: Ճանպարհորդային դրամաշնորհի չափը կազմում է 400 ԱՄՆ դոլլար:

2003 թվ. Ճանպարհորդային Դրամաշնորհի են արժանացել`

Վասիլյեվ Իգոր, Սանկտ-Պետերբուրգ, Ռուսաստանի Դաշնություն,
Ահմեդ Շաքի, Դակա, Բանգլադեշ,
Սլադկովա Նելլի, Սանկտ-Պետերբուրգ, Ռուսաստանի Դաշնություն,
Սադեղի Հոմայոն, Արբադիլ, Իրան,
Պետրոունիտչև Ալեքսեյ, Սանկտ-Պետերբուրգ, Ռուսաստանի Դաշնություն,
Մելիքյան Էրման, Սաութամփտոն, Մեծ Բրիտանիա,
Մարիմի Մեհրան, Շիրազ, Իրան,
Բեքեիրնիա Միր Ռեզա, Թեհրան, Իրան,
Աբդուլին Մառատ, Տյումեն, Ռուսաստանի Դաշնություն,

Հյուրանոցային Դրամաշնորհ

Հայկական Բժշկական Ասոցիացիան սահմանափակ քանակությամբ տրամադրում է հյուրանոցային դրամաշնորհներ բանավոր կամ պոստերային աշխատանք ներկայացնող սահմանափակ ‎ֆինանսական ռեսուրսների տեր մասնակիցներին:

Նախապատվությունը տրվում է զարգացող երկրների ուսումնառող հեղինակներին: Հյուրանոցային դրամաշնորհը նախատեսված է փոխհատուցել իտաժողովի ընթացքում Երևանում բնակության ծախսերը:

2003 թվ. Հյուրանոցային Դրամաշնորհի են արժանացել`

Ալիմբեկով Կանչորո, Բիշկեկ, Ղրղզստան,
Ասքարյան Մեհրդադ, Շիրազ, Իրան,
Շետովա Իրմա, Մոսկվա, Ռուսաստանի Դաշնություն,
Սմիրնով Անտոն, Սանկտ-Պետերբուրգ, Ռուսաստանի Դաշնություն,
Շոքու‎ֆի-Մոգիման Շաբնամ, Թեհրան, Իրան,
Կրյաժեվա Մարիա, Սանկտ-Պետերբուրգ, Ռուսաստանի Դաշնություն,
Թաջիկ Փարվին, Թեհրան, Իրան,
Լվովա Յուլիա, Մոսկվա, Ռուսաստանի Դաշնություն,
Շահին Աղաեյի, Շիրազ, Իրան,
Աբդուլլին Մարատ, Մոսկվա, Ռուսաստանի Դաշնություն,
Ալարիո Ջիովաննի, Մադրիդ, Իսպանիա,

Կրթաթոշակի նպատակն է դրամաշնորհի միջոցով աջակցել լիդերին հատուկ հատկանիշներ ունեցող, հասարակական ակտիվ կեցվածք դրսևորող, ինչպես նաև գիտական և կրթական ասպարեզում ակնառու հաջողություններ ունեցող ԵՊԲՀ-ի ուսանողներից որևէ մեկին:

Կրթաթոշակների թիվը` 1

Հատկացվող գումարը` ամիսը 30.000 դրամ, մեկ տարի ժամկետով` սկսած հունվարից:

Առաջադրվող պայմանները`

1. ԵՊԲՀ-ի նախաավարտական կուրսի ուսանող (ընդհանուր բժշկության և ռազմաբժշկական ֆակուլտետներ` 5-րդ կուրս, ստոմատոլոգիական և դեղագիտական ֆակուլտետներ` 4-րդ կուրս):
2. Ուսումնառության ողջ ընթացքում լավ կամ գերազանց առաջադիմություն:
3. Հետաքրքրվածություն գիտական հետազոտություններում: Գիտական աշխատանքների/զեկույցների առկայությունը համարվում է մեծ առավելություն:
4. Մասնագիտական անդամակցություն (որևէ ասոցիացիայի անդամ, մասնագիտական պարգևներ և այլն):
5. Օտար լեզուների իմացությունը պարտադիր չէ, սակայն համարվում է առավելություն:

Ինչպե՞ս դիմել

Բոլոր հետաքրքրված ուսանողները պետք է Հայկական Բժշկական Ասոցիացիայի գրասենյակ ներկայացնեն հետևյալ փաստաթղթերը.

1. Կրթության և մասնագիտական փորձի ամփոփագիր (CV):
2. Մրցույթին մասնակցելու դրդապատճառների համառոտ շարադրանք:
3. Հրատարակված գիտական աշխատանքների/զեկույցների լրիվ ցանկ:
4. Երաշխավորագիր այն ասոցիացիայից կամ այլ մասնագիտական կազմակերպությունից, որին անդամակցում է դիմորդը:
5. Ցանկացած այլ փաստաթղթեր կամ դիպլոմներ, որոնք վկայում են մասնագիտական առաջընթացի ասպարեզում դիմորդի հետաքրքրվածության և ակտիվության մասին:

Դիմումների հանձնման վերջնաժամկետը` ս.թ. դեկտեմբերի 22-ը:

Մրցութային հանձնաժողովը կրթաթոշակի բոլոր թեկնածուների հետ հարցազրույց է անցկացնելու մինչև ս.թ. դեկտեմբերի 24-ը:

Շնորհավորում ենք 2006թ. մրցույթի հաղթողին`

Սևակ Մկրտչյան
ընդհանուր բժշկության ֆակուլտետ, 5րդ կուրս
Երևանի Պետական Բժշկական Համալսարան

Մենք խրախուսում ենք բոլոր բժիշկներին, գիտնականներին և հատկապես ուսանողներին օգտվել Ասոցիացիայի գրադարանից:

Գրադարանը տեղակայված է Հայկական Բժշկական Ասոցիացիայի գրասենյակում և յուրաքանչյուրը կարող է օգտվել նրա տեղեկատվական իրերից` գրքերից, ամսագրերից, տեսաերիզներից և այլն:

Կարող եք ծանոթանալ Ապացուցողական Բժշկության Գրադարանի գրքերի ցուցակին հենց հիմա:

Ձեր աջակցության շնորհիվ մենք կկարողանանք զարգացնել ընթացիկ և ապագա ծրագրերը:

Հայկական Բժշկական Ասոցիացիա աշխատակազմը և անդամները կգնահատեն Ձեր աջակցությունը: Մենք նաև ուրախ կլինենք որպես նվիրատվություն ստանալ բժշկական հրատարակություններ, գրասենյակային կամ բժշկական սարքավորումներ` ՀՀ մարզերում կլինիկական այցեր կազմակերպելու համար:

Եթե Դուք ուզում եք աջակցել Հայկական Բժշկական Ասոցիացիային, խնդրում ենք գրեք մեզ:

ԿԱՆԽԱՎ ՇՆՈՐՀԱԿԱԼՈՒԹՅՈՒՆ ԵՆՔ ՀԱՅՏՆՈՒՄ ՁԵՐ ԱՋԱԿՑՈՒԹՅԱՆ ՀԱՄԱՐ:

Ստորև բերված են մեր հաշվեհամարները`

ՀՀ ազգային դրամի համար

«Առէկսիմբանկ» Հայաստանի Հանրապետություն, Երևան
Հաշի համարը: 138260100
Հաշվետիրոջ անվանումը` Հայկական Բժշկական Ասոցիացիա

EURO:
Beneficiary Bank: A/c No. 0812190400, AREXIMBANK CJSC, Yerevan, Armenia. SWIFT: RKASAM22
Intermediary Bank: DRESDNER BANK AG, Frankfurt/Main, Germany. SWIFT: DRESDEFF
Beneficiary Name: Armenian Medical Association.
Account Number: 01382690149

USD:
Intermediary Bank: DRESDNER BANK AG, FRANKFURT/MAIN, GERMANY
SWIFT: DRESDEFF
Acc. No. 0812190400/400
Beneficiary Bank: AREXIMBANK CJSC, Yerevan, Armenia.
SWIFT: RKASAM22
Armenian Medical Association.
Account Number: 138260102

Խնդրում ենք որևէ դրամային փոխանցում կատարելուց հետո ուղարկել ֆաքս կամ էլեկտրոնային նամակ:

Նվիրատվությունը Դուք կարող եք կատարել նաև Հայկակական Բժշկական Ասոցիացիայի գրասենյակում` Թումանյան փ. 38/9 հասցեով:

Մանրամասն տեղեկությունների և ծագող հարցերի դեպքում դիմեք մեզ:

• Ընտրվել նրա ղեկավար մարմիններ` բացառությամբ Ասոցիացիայի ուսումնառող և տարեց անդամների:


• Մասնակցել Ասոցիացիայի ղեկավար մարմինների ընտրությանը:


• Խորհրդակցության ձայնի իրավունքով մասնակցել Ասոցիացիայի բոլոր ստորաբաժանումների նիստերին` անկախնրանցում իր ներգրավվածությունից:


• Մասնագիտության համապատասխան ընդգրկվել սեկցիայում:


• Անվճար ին‎ֆորմացիա ստանալ Հայաստանում բժշկագիտության նորությունների վերաբերյալ:


• Ստանալ Պատվոգրեր և Դրամաշնորհներ Ասոցիացիայի և նրա գործընկերների կողմից:


• Ստանալ անդամակցության սերտի‎ֆիկատ:


• Անվճար բաժանորդագրվել "Armenian Medical Journal"-ի առաջին, հայկական, գրախոսվող բժշկական ամսագրին, որը լույս է տեսնում տարեկան 4 անգամ և ունի իր էլեկտրոնային տարբերակը: Ամսագրի առաջին համարի հրատարակումը տեղի կունենա 2008 թվականին:


• Օգտվել Ասոցիացիայի կողմից կազմակերպվող գիտաժողովի, ինչպես նաև այլ հանդիպումների, սիմպոզիումների և կրթական ծրագրերի մասնակցության գրանցման համար նախատեսված զեղջային համակարից:


• Ասոցիացիայի և գործընկերների կողմից կազմակերպված դասընթացներին մասնակցել անվճար կամ զեղջ գներով (Բիոստատիստիկայի, բժշկական անգլերեն և այլն):


• Օգտվել Ասոցիացիայի միջոցներից (ինտերնետ, գրադարան և այլն):


• Օգտվել http://www.armeda.am էլեկտրոնային էջը փակ ին‎ֆորմացիոն աղբյուրից, ինչպես խորհրդատվություն ստանալ E-consillium կապի միջոցով:

Վաստակավոր անդամների լրացուցիչ իրավասությունները.

• Վաստակավոր անդամի վկայական:


• Մասնակցություն Ասոցիացիայի գիտական նիստերին և գիտաժողովներին:


• Առանձնահատուկ նախապատվություն Ասոցիացիայի կողմից կազմակերպվող իտաժողովին` հյուրանոցային համարների ամրագրում, մասնակցության առաջնահերթ գրանցում, ոսկե կրծքանշան:


• Վաստակավոր անդամների տեղեկատու:

Պատվավոր անդամների առավելությունները

• Պատվավոր անդամի վկայական:


• Ոսկե մեդալի շնորհում:


• Պատվավոր անդամը անդամավճարից ազատում:


• Առանձնահատուկ նախապատվություն Ասոցիացիայի կողմից կազմակերպվող ամենամյա գիտաժողովին` հյուրանոցային համարների ամրագրում, մասնակցության առաջնահերթ գրանցում, ոսկե կրծքանշան:


• Պատվավոր անդամների տեղեկատու:

Ասոցիացիայի շարքային անդամ. կարող է լինել բժշկական/կամ բժշկակենսբանական կրթություն ունեցող մինչև 65 տարեկան ցանակացած անձ:

Ասոցիացիայի ուսումնառող անդամ. այս կատեգորիայի անդամ կարող են լինել բժշկական/կամ բժշկակենսբանական կրթական գործընթացի մեջ գտնվող մինչև 35 տարեկան անձիք: Ուսումնառող անդամը չի կարող ընտրվել Ասոցիացիայի ղեկավար մարմիններ:

Ասոցիացիայի տարեց անդամ. այս կատեգորիայի անդամ կարող են դառնալ 65 տարեկանից բարձր անձիք կամ թոշակառուները: Ասոցիացիայի տարեց անդամը չի կարող ընտրվել Ասոցիացիայի ղեկավար մարմիններ:

Ասոցիացիայի վաստակավոր անդամ. անդամության այս կատեգորիան շնորհվում է գիտական, կրթական և մասնագիտական մեծ ավանդ ունեցող անհատներին: Վաստակավոր անդամի թեկնածուն միջազգային գրախոսվող ամսագրերում պետք է ունենա համապատասխան քանակով գիտական տպագիր աշխատանքներ (10հեղինակային և 10 համահեղինակային):

Ասոցիացիայի պատվավոր անդամ այս կատեգորիան շնորհվում է Հայաստանում գիտական, կրթական և հասարակական մեծ ներդրում ունեցող և միջազգային ճանաչում ունեցող անձին: Պատվավոր անդամը ազատվում է ամենամյա անդամավճարից:

Ասոցիացիայի բոլոր անդամները անդամակցում են նաև Համաշխարհային Բժշկական Ասոցիացիային:

Եթե Դուք ունեք հարցեր կապված ամդամակցության հետ, ապա դիմեք մեզ: 

1.1. «Հայկական բժշկական ասոցիացիա» հասարակական կազմակերպությունը (հետագայում` Ասոցիացիա) կամավոր, անկախ, նյութական շահեր չհետապնդող հասարակական կազմակերպություն է, որ ստեղծված է և գործում է ՀՀ Սահմանադրության, գործող օրենսդրության և սույն կանոնադրության դրույթների հիման վրա` առաջնորդվելով օրինականության, իրավահավասարության, հրապարակայնության, անդամների կամավորության, խղճի և արդարամտության սկզբունքներով:

1.2. Ասոցիացիան գործում է ՀՀ տարածքում և օտարերկրյա պետություններում, այդ պետությունների օրենսդրությանը համապատասխան:

1.3. Ասոցիացիան կարող է համագործակցել հասարակական միությունների և կազմակերպությունների, պետական մարմինների, միջազգային կազմակերպությունների, հիմնադրամների, անհատների և այլոց հետ:

1.4. Ասոցիացիայի գտնվելու վայրն է. ՀՀ, ք.Երևան, 375002/ Թումանյան փ, 38 շենք, բն. 9, հեռ..534863, 535868:

1.5. Ասոցիացիայի անունը.
հայերեն` «Հայկական բժշկական ասոցիացիա» հասարակական կազմակերպություն,
անգլերեն` "Armenian Medical Association" Non-Governmental Organization.

1.6. Ասոցիացիայի խորհրդանիշը` հավերժության խորհրդանշանի ‎ֆոնի վրա տեղադրված է ջահ, որի կրակը գունազարդված է Հայաստանի Պետական Դրոշի գույներով: Ջահի շուրջբոլորը տեղադրված են բժշկության խորհրդանիշեր` երկու օձ: Շրջանակի մեջ գրված են Ասոցիացիայի անվան հայերեն և անգլերեն տարբերակները:

2. ՆՊԱՏԱԿՆԵՐԸ ԵՎ ԽՆԴԻՐՆԵՐԸ

2.1. Ասոցիացիայի հիմնական նպատակներն են` իր գործունեությամբ նպաստել բժշկագիտության և գործնական բժշկության զարգացմանը, Հայաստանում արդի չափանիշներին համապատասխան առողջապահական համակարգի կայացմանը և քաղաքացիական հասարակության ձևավորմանը:

2.2. Սույն նպատակների սահմաններում Ասոցիացիան առաջնահերթ խնդիրներ է դնում.

• աջակցել հետդիպլոմային շարունական կրթությանը Հայաստանում
• կազմակերպել բժշկական և բժշկա-կենսաբանական գիտական հետազոտություններ
• նպաստել նորագույն բժշկական տեխնոլոգիաների, մոտեցումների ներդրմանը Հայաստանում
• համագործակցել Հայաստանի և արտերկրի բժշկական կազմակերպությունների հետ
• աջակցել և գործուն մասնակցություն ունենալ առողջապահական համակարգում ընթացող բարեփոխումներին և գործընթացներին
• աջակցել քաղաքացիական հասարակության ձևավորմանն ուղղված իրակնացվող միջոցառումներին
• պաշտպանել իր անդամների իրավունքներն ու շահերը

2.3. Առաջնահերթ խնդիրների լուծման ապահովման նպատակով Ասոցիացիան իրականացնում է բազմաբնույթ տեսական և գործնական միջոցառումներ, համակարգային վերլուծություններ, սոցիոլոգիական հարցումներ, քննարկումներ, գիտական սեմինարներ, ուսուցողական դասընթացներ, խորհրդատվություն, գիտաժողովներ, դրանց արդյունքների ամփոփմանը, քննարկմանն ու հրապարակայնության ապահովմանն ուղղված տեղեկատվական, թարգմանչական, հրատարակչական և այլ բնույթի աշխատանքներ և այլն:

3. ԱՍՈՑԻԱՑԻԱՅԻ ԱՆԴԱՄՈՒԹՅՈՒՆԸ

3.1. Ասոցիացիայի անդամ կարող է լինել բժշկական և բժշկա-կենսաբանական կրթություն ունեցող կամ ուսումնառության մեջ գտնվող 18 տարին լրացած յուրաքանչյուր անձ` անկախ սեռից, ազգությունից, կրոնական դավանանքից և քաղաքական համոզմունքներից, որն ընդունում է սույն կանոնադրությունը և մուծում անդամավճարը:

3.2. Ասոցիացիայի անդամ է համարվում նախագահի անունով դիմում ներկայացրած այն քաղաքացին, որի օգտին Գործադիր վարչությունը դրական որոշում է կայացնում:

3.2. ԱՆԴԱՄՈՒԹՅԱՆ ԿԱՏԵԳՈՐԻԱՆԵՐԸ

3.2.1. Ասոցիացիայի շարքային անդամ: Կարող է լինել բժշկական և բժշկա-կենսաբանական կրթություն ստացած մինչև 65 տարեկան ցանկացած անձ:

3.2.2. Ասոցիացիայի ուսումնառող անդամ: Այս կատեգորիայի անդամ կարող են լինել բժշկական և բժշկա-կենսաբանական կրթական պրոցեսի մեջ գտնվող անձիք:

3.2.3. Ասոցիացիայի տարեց անդամ: Այս կատեգորիայի անդամ կարող են դառնալ 65 տարեկանից բարձր անձիք կամ թոշակառուներ:

3.2.4. Ասոցիացիայի վաստակավոր անդամ: Անդամության այս կատեգորիան շնորհվում է գիտական, կրթական և մասնագիտական մեծ ավանդ ունեցող անհատներին:

3.2.5. Ասոցիացիայի պատվավոր անդամ: Այս կատեգորիան շնորհվում է Հայաստանում գիտական, կրթական և հասարակական մեծ ներդրում ունեցող և միջազգային ճանաչում ունեցող անհատներին:

3.2.6. Անդամության կատեգորիաներում անդամների առաջադրման և հաստատման կանոնանակարգը հաստատվում է Գործադիր վարչության կողմից:

3.3. ԱՍՈՑԻԱՑԻԱՅԻ ԱՆԴԱՄԸ ՊԱՐՏԱՎՈՐՎՈՒՄ Է

3.3.1. Պահպանել Ասոցիացիայի կանոնադրային դրույթները և կատարել որոշումները:

3.3.2. Ցուցաբերել հնարավոր աջակցություն Ասոցիացիայի գործունեությանը:

3.3.3. Ժամանակին մուծել անդամավճարը:

3.3.4. Բարձր պահել Ասոցիացիայի հեղինակությունը:

3.4. ԱՍՈՑԻԱՑԻԱՅԻ ԱՆԴԱՄԸ ԻՐԱՎՈՒՆՔ ՈՒՆԻ

3.4.1. Ընտրվել նրա ղեկավար մարմիններում, բացառությամբ Ասոցիացիայի ուսումնառող և տարեց անդամների:

3.4.2. Ընտրել նրա ղեկավար մարմիններին:

3.4.3. Խորհրդակցական ձայնի իրավունքով մասնակցել Ասոցիացիայի բոլոր մարմինների նիստերին, անկախ իր այդ մարմիններում ներգրավվածությունից:

3.4.4. Ըստ մասնագիտության ընդգրկվել համապատասխան սեկցիայում:

3.4.5. Դիմել առաջարկություններով, դիմումներով և հարցումներով Ասոցիացիայի ղեկավար մարմիններին:

3.4.6. Ասոցիացիայի ղեկավար մարմինների որոշումների հետ իր անհամաձայնության դեպքում բողոքարկել դրանք Վերստուգիչ հանձնաժողով և ստանալ պատասխան 5 աշխատանքային օրերի ընթացքում:

3.4.7. Իր անդամության կասեցման մասին որոշումները բողոքարկել Վերստուգիչ հանձնաժողով և պատասխան ստանալ 5 աշխատանքային օրերի ընթացքում:

3.4.8. Ազատ դուրս գալ Ասոցիացիայի անդամակցությունից, այդ մասին տեղյակ պահելով Ասոցիացիայի ղեկավարությանը:

3.5. Տվյալ կանոնադրության խախտման, հակաիրավական արարքների համար Ասոցիացիայի անդամը ենթակա է հեռացման: Հեռացման հարցը որոշվում է Համագումարում Նախագահի ներկայացմամբ: Նախքան Համագումարը ործադիր վարչությունն իրավունք ունի կասեցնել տվյալ անդամի անդամությունը Ասոցիացիայում:

3.6. Կասեցման բողոքարկման հարցը Վերստուգիչ հանձնաժողովը 5 օրվա ժամկետում քննում է և իր եզրակացությունները ներկայացնում Նախագահին և անհրաժեշտության դեպքում Համագումարին:

3.7. Ասոցիացիան կարող է շնորհել Ասոցիացիայի պատվավոր անդամի կոչումª հասարակական, բարեգործական, գիտական կամ այլ գործունեության համար:

3.8. Ասոցիացիան պատասխանատու չէ իր անդամների գործունեության համար, անդամները պատասխանատու չեն Ասոցիացիայի գործունեության համար:

4. ԱՍՈՑԻԱՑԻԱՅԻ ԱՌԱՆՁՆԱՑՎԱԾ ՍՏՈՐԱԲԱԺԱՆՈՒՄՆԵՐԸ ԵՎ ՍԵԿՑԻԱՆԵՐԸ

4.1. Ասոցիացիան կարող է ունենալ առանձնացված ստորաբաժանումներ և մասնաճյուղեր, ներկայացուցչություններ ինչպես Հայաստանում, այդ թվում նաև օտարերկրյա պետություններումª այդ պետությունների օրենսդրությանը համապատասխան:

4.2. Առանձնացված ստորաբաժանումները ստեղծվում են թվով 7-ից ոչ պակաս անդամների առկայության դեպքում` ըստ ՀՀ վարչատարածքային բաժանման սկզբունքի, ինչպես նաև ըստ երկրների կամ տարածաշրջանի:

4.3. Ասոցիացիայի առանձնացված ստորաբաժանումների կանոնակարգը և աշխատակարգը հաստատվում է Ասոցիացիայի Գործադիր վարչության կողմից:

4.4. Ասոցիացիայի կազմում գործում են գիտական Սեկցիաներ, որոնք կազմվում են միևնույն կամ հարակից մասնագիտություն ունեցող 10 անդամներից, յուրաքանչյուր անդամ կարող է ընդգրկվել մեկ սեկցիայում:

4.5. Սեկցիաները գործում են համաձայն իտական խորհրդի կողմից հաստատված կանոնակարգի:

4.6. Սեկցիաները իրենց ժողովում 2 տարի ժամկետով ընտրում են սեկցիայի նախագահ, որը ասոցիացիայի Նախագահի կողմից ներկայացվելուց և իտական խորհրդի կողմից հաստատվելուց հետո համարվում է իտական խորհրդի անդամ:

4.6.1. Մինչև գիտական խորհրդի լիարժեք ձևավորումը, կամ նվազագույնը 7 անդամի առկայությունը սեկցիայի նախագահները համարվում են գիտական խորհրդի անդամ` Ասոցիացիայի նախագահի որոշմամբ:

4.7. Ասոցիացիայի Նախագահի նախաձեռնությամբ և գիտական խորհրդի համաձայնությամբ կարող է տեղի ունենալ սեկցիայի նախագահի արտահերթ ընտրություն:

5. ԱՍՈՑԻԱՑԻԱՅԻ ՂԵԿԱՎԱՐ ՄԱՐՄԻՆՆԵՐԸ

5.1. Ասոցիացիայի ղեկավար մարմիններն են`Համագումարը, Նախագահը, Գիտական խորհուրդը, Գործադիր վարչությունը և Վերստուգիչ հանձնաժողովը:

5.2. Համագումարը Ասոցիացիայի բարձրագույն ղեկավար մարմինն է, որն իր հերթական նիստերն է գումարում 2 տարին մեկ անգամ, Համագումարի օրակարգի, նրա աշխատանքն սկսելու տեղի, օրվա ու ժամի մասին մասնակիցները ործադիր վարչության կողմից պետք է ծանուցվեն ոչ ուշ, քան Համագումարի անցկացման օրվանից 90 աշխատանքային օր առաջ: Արտահերթ Համագումար կարող է հրավիրվել Ասոցիացիայի նախագահի, Ասոցիացիայի անդամների 1/3-ի կամ Վերստուգիչ հանձնաժողովի պատճառաբանված պահանջի դեպքում, ոչ ուշ, քան 14 օրացուցային օրվա ընթացքում: Համագումարի օրակարգի, նրա աշխատանքն սկսելու տեղի, օրվա ու ժամի մասին մասնակիցները ործադիր վարչության կողմից պետք է ծանուցվեն ոչ ուշ, քան Համագումարի անցկացման օրվանից 3 աշխատանքային օր առաջ:

Պատվիրակների ներկայացուցչության նորմը որոշում է Գործադիր վարչությունը:

5.3. ՀԱՄԱԳՈՒՄԱՐԸ

5.3.1. Իրավասու է որոշումներ կայացնել, եթե նիստին ներկա են պատվիրակների ընդհանուր թվի 1/2-իցավելի մասնակիցներ:

5.3.2. Որոշումներն ընդունվում են պատվիրակների ընդանուր թվի պարզ մեծամասնությամբ: Բացառությամբ կանոնադրության ընդունման կամ փոփոխման, Նախագահին անվստահություն հայտնելու, ինչպես նաև Ասոցիացիայի վերակազմակերպման կամ լուծարման մասին որոշումներից: Վերջիններս ընդունվում են պատվիրակների ընդհանուր թվի ձայների 2/3-ով:

5.3.3. Լսում և գնահատում է պատասխանատու մարմինների զեկուցումներն ու հաշվետվությունները:

5.3.4. Հաստատում է Ասոցիացիայի ծրագրերը և բյուջեն:

5.3.5. 2 տարի ժամկետով ընտրում է Նախագահ:

5.3.6. Ընտրում է Վերստուգիչ հանձնաժողովի 5 անդամներին 2 տարի ժամկետով:

5.3.7. Որոշում է Ասոցիացիայի վերակազմակերպման կամ լուծարման մասին հարցը:

5.3.8. Հաստատում է կազմակերպության գործունեության և գույքի օգտագործման հաշվետվությունները:

5.4. ԱՍՈՑԻԱՑԻԱՅԻ ՆԱԽԱԳԱՀԸ

5.4.1. Ընտրվում է Ասոցիացիայի համագումարի կողմից 2 տարի ժամկետով:

5.4.2. Համագումարների միջև ընկած ժամանակահատվածում ղեկավարում է Ասոցիացիայի գործունեությունը:

5.4.3. Հանդիսանում է Գիտական խորհրդի նախագահ:

5.4.4. Նախագահում է Գիտական խորհրդի նիստերին:

5.4.5. Նշանակում և ազատում է Գործադիր վարչության անդամներին: Նշանակված ործադիր վարչության կազմը ներկայացնում իտական խորհրդի հաստատմանը:

5.4.5.1. Մինչև Գիտական խորհրդի լիարժեք ձևավորումը կամ նվազագույնը 7 անդամի առկայությունը գործադիր վարչության անդամները նշանակվում կամ ազատվում են Ասցիացիայի նախագահի կողմից:

5.4.6. Գործադիր վարչության հետ կազմակերպում է հերթական և արտահերթ համագումարները:

5.4.7. Պատրաստում է հաշվետվություններ համագումարին, ստեղծում մշտական հանձնաժողովներ:

5.4.8. Առաջարկություն է ներկայացնում Գործադիր վարչությանը Ասոցիացիայի պատվավոր անդամի կոչում շնորհելու մասին, որի կողմից հավանությունստանալուց հետո ներկայացվում է Գիտական խորհրդի հաստատմանը:

5.4.9. Գործադիր վարչությանն է ներկայացնում իր անունով գրված դիմումները Ասոցիացիային անդամակցելու համար:

5.4.10. Բավարար գիտական ակտիվություն չցուցաբերած սեկցիաներում Գիտական խորհրդի համաձայնությամբ կարող է կազմակերպել սեկցիայի նախագահի նոր ընտրություններ:

5.4.11. Ներկայացնում է Ասոցիացիայի շահերն այլ մարմիններում:

5.4.12. Ամենօրյա տեխնիկական աշխատանքներն իրականցնելու նպատակով ձևավորում է աշխատակազմ:

5.4.13. Նշանակում և ազատում է Ասոցիացիայի հաստիքային աշխատակիցներին:

5.4.14. Տրամադրում է լիազորագրեր և վստահագրեր:

5.4.15. Իրականացնում է ասոցիացիաի ֆինանսական և տնտեսական գործունեությունը:

5.4.16. Ասոցիացիայի անունից առանց լիազորագրերի կնքում է պայմանագրեր, վարում բանակցություններ:

5.4.17. Կատարում է Ասոցիացիայի ղեկավարման բոլոր մյուս անհրաժեշտ ֆունկցիաները, որոնք համագումարի իրավասությունների մեջ չեն մտնում:

5.4.18. Նախագահի բացակայության դեպքում նրա հանձնարարությամբ պարտականությունները կատարում է Պատասխանատու քարտուղարը:

5.5. ԱՍՈՑԻԱՑԻԱՅԻ ԳԻՏԱԿԱՆ ԽՈՐՀՈՒՐԴԸ

5.5.1. Համագումարների միջև ընկած ժամանակահատվածում Ասոցիացիայի բարձրագույն գիտական ղեկավար մարմինն է:

5.5.2. Ձևավորվում է սեկցիաների նախագահներից:

5.5.3. Իր աշխատանքներն իրականացնում է նիստերի ձևով, որոնք հրավիրվում են Նախագահի կողմից, ոչ ուշ քան 3 ամիսը մեկ անգամ:

5.5.4. Նիստը համարվում է կայացած, եթե մասնակցում են անդամների կեսից ավելին, որոշումներն ընդունվում են ձայների պարզ մեծամասնությամբ, նիստերը նախագահում է Ասոցիացիայի նախագահը, քարտուղարությունն իրականացնում է Գիտական քարտուղարը:

5.5.5. Հաստատում է Գործադիր վարչության կազմը:

5.5.6. Նախագահի ներկայացմամբ հաստատում է Գիտական խորհրդի նոր անդամներին:

5.5.7. Քննարկում և հաստատում է սեկցիաների կողմից ներկայացված գիտական ծրագրերը:

5.5.8. Լսում և գնահատում է հաշվետվություններ ծրագրերի իրականացման և ընթացքի վերաբերյալ:

5.5.9. Շնորհում է Գիտական խորհրդի պատվավոր անդամի կոչում:

5.6.  ԱՍՈՑԻԱՑԻԱՅԻ ԳՈՐԾԱԴԻՐ ՎԱՐՉՈՒԹՅՈՒՆԸ

5.6.1. Բաղկացած է 4 քարտուղարներից` Պատասխանատու քարտուղար, Ֆինանսական քարտուղար, Գիտական քարտուղար, Երիտասարդական հարցերով քարտուղար, և 6 կոմիտեների նախագահներից, Անդամակցության, Կրթական, Կլինիկական, Հրատարակչական աշխատանքների, Արտաքին կապերի և Հասարակության հետ կապերի:

Գործադիր վարչությունը ընտրվում է 1 տարի ժամկետով:

5.6.1.1. Կոմիտեները գործում են համաձայն գործադիր վարչության կողմից հաստատված կանոնակարգի:

5.6.2. Նշանակվում է Նախագահի և հաստատվում Գիտական խորհրդի կողմից:

5.6.2.1. Մինչև Գիտական խորհրդի լիարժեք ձևավորումը կամ նվազագույնը 7 անդամի առկայությունը, գործա‎դիր վարչության անդամները նշանակվում կամ ազատվում են Ասոցիացիայի նախագահի կողմից:

5.6.3. Իր աշխատանքներն իրականացնում է նիստերի ձևով, որոնք հրավիրվում են Նախագահի կողմից, ոչ ուշ քան 2 շաբաթը մեկ անգամ:

5.6.4. Նիստը համարվում է կայացած, եթե մասնակցում են անդամների կեսից ավելին, որոշումներն ընդունվում են ձայների պարզ մեծամասնությամբ, նիստերը նախագահում է Ասոցիացիայի նախագահը, քարտուղարությունն իրականացնում է Պատասխանատու քարտուղարը:

5.6.5. Ասոցիացիայի Նախագահի ներկայացմամբ հաստատում է վճարովի աշխատակիցների հաստիքացանկը:

5.6.6. Իրականացնում է Ասոցիացիայի գործունեության ընթացիկ ծրագրերը:

5.6.7. Կազմակերպում է ժամանակավոր հանձնաժողովներ, ծրագրերի իրականացման խմբեր:

5.6.7.1. Ասոցիացիայի Նախագահի ներկայացմամբ վավերացնում է Ասոցիացիայի անդամակցությունը:

5.6.7.2. Շնորհում է Ասոցիացիայի Վաստակավոր անդամի կոչում:

5.6.8. Վարում է Ասոցիացիայի անդամների հաշվառում:

5.6.9. Սահմանում է մուտքի վճարի և անդամավճարի չափերը:

5.6.10. Կասեցնում է անդամի անդամակցությունը Ասոցիացիային և զեկուցում է դրա մասին Նախագահին:

5.6.11. Վարում է Ասոցիացիայի գործավարությունը, իրականացնում է մշտական կապ առանձնացված ստորաբաժանումների և տնտեսական ընկերությունների հետ:

5.6.12. Լսում է իր անդամների տեղեկատվությունը ընթացիկ գործունեության մասին:

5.6.13. Լսում և գնահատում է հանձնաժողովների և այլ ստորաբաժանումների տեղեկատվությունը ընթացիկ աշխատանքների վերաբերյալ:

5.7. Ասոցիացիայի Վերստուգիչ հանձնաժողովը

5.7.1. Ընտրվում է Ասոցիացիայի համագումարի կողմից 2 տարի ժամկետով:

5.7.2. Վերստուգիչ հանձնաժողովի նիստերը գումարվում են ըստ անհրաժեշտության, կամ 6 ամիսը մեկ անգամ, նիստը համարվում է կայացած, եթե մասնակցում են անդամների կեսից ավելին, որոշումները համարվում են ընդունված հանձնաժողովի անդամների մեծամասնության կողմ քվեարկելու դեպքում:

5.7.3. Հսկողություն է իրականացնում Ասոցիացիայի ղեկավար մարմինների կողմից կանոնադրության և որոշումների կատարման նկատմամբ, կասեցնում է որոշումները, եթե դրանք չեն համապատասխանում ՀՀ օրենսդրությանը և սույն կանոնադրությանը:

5.7.4. Վերահսկողություն է իրականացնում Ասոցիացիայի մարմինների ֆինանսական գործունեության նկատմամբ:

5.7.5. Քննարկում է Ասոցիացիայի անդամների իրեն ուղղված բողոքները և պատասխանում դրանց ամենաուշը 5 աշխատանքային օրերի ընթացքում:

5.7.6. Վերստուգիչ հանձնաժողովի աշխատանքը որոշվում է սույն կանոնադրությամբ և իր կողմից ընդունված աշխատակարգով:

6. ԱՍՈՑԻԱՑԻԱՅԻ ՍԵՓԱԿԱՆ ՄԻՋՈՑՆԵՐԻ ԳՈՅԱՑՄԱՆ ԱՂԲՅՈՒՐՆԵՐԸ ԵՎ ՕՏԱՈՐԾՄԱՆ ԿԱՐԳԸ

6.1. Ասոցիացիան որպես սեփականություն կարող է ունենալ շենքեր, շինություններ, բնակարանային ֆոնդեր, տրանսպորտային միջոցներ, սարքավորումներ, դրամական միջոցներ, բաժնետոմսեր, այլ արժեթղթեր և օրենքով չարգելված այլ գույք, որը կարող է ձեռք բերել սեփական միջոցներով, ստանալ նվիրատվությամբ կամ կտակի կարգով:

6.2. Ասոցիացիայի միջոցները գոյանում են.

6.2.1. Անդամների մուտքավճարներից և անդամավճարներից:

6.2.2. Նվիրատվություններից, կտակներից և հանգանակություններից, պետական կամ մասնավոր տնտեսվարող և հասարակական կազմակերպությունների մասհանումներից, դրամաշնորհներից:
6.2.3. Իր կողմից հիմնված տնտեսական ընկերությունների արտադրական, առևտրական, միջնորդական և այլ գործունեության եկամուտների մասհանումներից:

6.2.4. ՀՀ օրենսդրությամբ չարգելված այլ աղբյուրներից:

6.3. Ասոցիացիայի միջոցները կարող են ծախսվել միայն սույն կանոնադրության նպատակների և խնդիրների իրականացման համար:

6.4. Ասոցիացիան կարող է ունենալ աշխատակիցների վճարովի հաստիքներ:

6.5. Ասոցիացիայի անդամը նրա սեփականության նկատմամբ բաժնի իրավունք չունի:

6.6. Կազմակերպչական ծախսերի մասնաբաժինը չի գերազանցում տարեկան ընդհանուր ծախսերի 70 (յոթանասուն) տոկոսը:

7. ԱՍՈՑԻԱՑԻԱՅԻ ԻՐԱՎԱԿԱՆ ԿԱՐԳԱՎԻՃԱԿԸ

7.1. Ասոցիացիան ձեռք է բերում իրավաբանական անձի կարգավիճակ ՀՀ Արդարադատության նախարարության կողմից պետական գրանցման պահից:

7.2. Ասոցիացիան ունի իր անվամբ կնիք, պաշտոնաթղթեր, ինքնուրույն հաշվեկշիռ, բանկերում ունի հաշվարկային, ընթացիկ և այլ հաշվեհամարներ ինչպես ազգային դրամով, այնպես էլ տարադրամով:

7.3. Ասոցիացիան կարող է ունենալ իր խորհրդանիշը, որը հաստատվում է Համագումարի կողմից:

7.4. Ասոցիացիան իր գործունեությունն իրականացնում է լրիվ տնտհաշվարկի, ինքնաֆինանսավորման եւ ինքնակառավարման սկզբունքով:

8. ԱՍՈՑԻԱՑԻԱՅԻ ՎԵՐԱԿԱԶՄԱԿԵՐՊՈՒՄԸ ԵՎ ԼՈՒԾԱՐՈՒՄԸ

8.1. Ասոցիացիայի վերակազմակերպումը և միաձուլումը, միացումը, բաժանումը, առանձնացումը, վերակազմավորումը կամ լուծարումը կատարվում է Համագումարի որոշմամբ` ընդունված Ասոցիացիայի Համագումարի պատվիրակների ընդանուր թվի 2/3-ի կողմ քվեարկելու դեպքում կամ դատարանի որոշմամբ:

8.2. Ասոցիացիան կազմակերպության լուծարման մասին պարտավոր է հնգօրյա ժամկետում գրավոր հայտնել ՀՀ Արդարադատության նախարարությանը:

8.3. Ասոցիացիան Արդարադատության նախարարության համաձայնությամբ կազմավորում է լուծարքային հանձնաժողով և օրենքով սահմանված կարգով սահմանում է լուծարման կարգը և ժամկետները:

8.4. Ասոցիացիայի լուծարման դեպքում լուծարքային հանձնաժողովը պարտադիր վճարումներն իրականացնելուց հետո մնացած գույքը, լուծարման մասին որոշում կայացրած մարմնի կողմից սահմանված կարգով, օգտագործում է Ասոցիացիայի կանոնադրական նպատակների ու խնդիրների իրականացման համար, եթե դա անհնարին է, ապա գումարը փոխանցվում է պետական բյուջե:

Պարունակ Զելվեյան

2. Պատասխանատու քարտուղար

Արթուր Պոտոսյան

3. Փոխնախագահներ

Արմեն Սողոյան
Արտաշես Ջավադյան
Վաչագան Այվազյան

4. Գիտական քարտուղար

Մկրտիչ Մկրտչյան

Նպատակները և խնդիրները

1. Բժշկական և կենսաբժշկական հետազոտությունների մշակում և իրականացում Հայաստանում:
2. Գիտահետազոտական ժամանակակից մեթոդների և ստանդարտների ներմուծում:
3. Դրամաշնորհաին ծրագրերի հայցում:
4. Գիտա-ուսումնական սեմինարների, սիմպոզիումների կազմակերպում, գիտամեթոդական ձեռնարկների հրատարակում:

Երիտասարդության հարցերով կոմիտե

Նախագահ` Տիգրան Ուզունյան

Նպատակները և խնդիրները

1. Երիտասարդ բժիշկների, ասպիրանտների, կլինիկական օրդինատորների և ուսանողների ներգրավում Հայկական Բժշկական Ասոցիացիայի գործունեության մեջ:
2. Նպաստել երիտասարդ բժիշկների մասնագիտական հետաքրքրությունների պաշտպանությանը և զարգացմանը:
3. Ին‎ֆորմացիայի տրամադրում Ժամանակակից բժշկության և գիտության տենդեցների մասին:
4. Աջակցել երիտասարդ բժիշկների կողմից իրականացվող հետազոտություններին:

Ֆինանսական քարտուղար

Հարություն Հարությունյան

Նպատակները և խնդիրները

1. Ֆինանսական աղբյուրների զարգացում:
2. Արդյունավետ ‎ֆինանսական քաղաքականություն:

Կլինիկական կոմիտե

Նախագահ` Գեղամ Խանդանյան, բ.գ.թ.
Քարտուղար` Լիլիթ Կոջոյան

Անդամներ`

Աննա Շահոյան
Աննա Սեմերջյան
Գոհար Քարամյան
Հայկ Ենոքյան
Մարիամ Մուրադյան
Նաիռա Ավանեսովա
Սամսոն Խաչատրյան
Սուրեն Լաբոյան
Սևա‎դա Հակոբյան
Քրիստինե Ասոյան

Նպատակները և խնդիրները

1. Ժամանակակից կլինիկական տեխնոլոգիաների ներմուծում Հայաստան:
2. Ապացուցողական բժշկության սկզբունքների զարգացում Հայաստանում:
3. Հիվանդների իմացաբանական և հիվանդությունների կանխարգելման ծրագրերի մշակում և իրականացում:
4. Աջակցում Հասարական Առողջության զարգացմանը:
5. Կլինիկական այցերի կազմակերպում դեպի Հայաստանի հեռավոր մարզեր:

Անդամակցության կոմիտե

Նախագահ` Արտեմ Գրիգորյան

Անդամներ`

Արման Ավագյան
Եվգինե Մխիթարյան
Լուսինե Հարությունյան
Նաիռա Ավանեսովա
Շուշան Եսայան
Սամվել Մովսիսյան
Սոնա Հարությունյան

Նպատակները և խնդիրները

1. Անդամակցության քաղաքականության զարգացում:
2. Անդամակցության գործընթացի աջակցել և խրախուսում:
3. Անդամավճարների հավաքագրում և հսկողություն
4. Անդամների տվյալների բազայի ստեղծում, դրա մշակում և մշտական թարմացում:
5. ՀՎԱ-ի անդամներից ՀՀ մարզեր կլինիկական այցեր կատարելու համար համապատասխան մասնագիտական խմբերի ստեղծում:

Կրթական կոմիտե

Նախագահ` ժամանակավորապես թափուր է

Նպատակները և խնդիրները

1. Առողջապահության համակարգում շարունակական բժշկական կրթության հիմնադրում:
2. Աջակցում ՀԲԱ-ի Կրթական ‎ֆոնդի հիմնադրմանը:
3. Աջակցում առողջապահության համակարգի մասնագետների և ՀԲԱ-ի անդամների միջև կապի հաստատամանը:
4. Միջդիսցիպլինար խմբերի ստեղծում:
5. ՀԲԱ-ի արտերկրի անդամների մասնակցությամբ տարբեր մասնագիտությունների վերաբերյալ գիտական սեմինարների կազմակերպում:
6. Ապացուցողական բժշկության ուսուցանում:
7. Բժիշկների և հիվանդների համար ժամանակակից ին‎ֆորմացիոն աղբյուրների հիման վրա կրթական նյութերի պատրաստում:
8. Հայաստանի շրջաններից լավագույն բժիշկների վերապատրաստում ՀՀ և արտերկրի լավագույն բժշկական հաստատություններում:
9. Համակարգչի և ինտերնետի միջոցով բժիշկների վերապատրաստման դասընթացների, ինչպես նաև օտար լեզվի ուսուցման կազմակերպում:
10. Արտերկրի հետ ուսանողների փոխանակման ծրագրերի մշակում:
11. Բոլոր մասնագիտությունների համար կլինիկական օրդինատուրայի ղեկավարի գաղափարի ստեղծում:
12. Օրդինատորների գնահատման և արտոնագրաման համար ստանդարտ քննության մշակում:
13. ԵՊԲՀ-ի հետազոտական լաբորատորիայի զարգացման գործընթացի աջակցում:

Հասարակության հետ կապերի կոմիտե

Նախագահ` Վահե Տեր-Մինասյան

Անդամներ`

Արման Ավագյան
Մանիկ Գեմիլյան
Հարություն Ալավերդյան
Սերգեյ Բարսամյան

Նպատակները և խնդիրները

1. ՀԲԱ-ի գործունեության բազմակողմանի լուսաբանում հասարակությանը:
2. Համակիրների և հասարակության մեջ ՀԲԱ-ի հիմնական գաղափարների տարածումը:
3. ՀԲԱ-ի իմիջի և համբավի ապահովման ուղղությամբ տարվող աշխատանքների կազմակերպում:
4. Անհրաժեշտ ին‎ֆորմացիայի ապահովում:

Արտաքին Կապերի կոմիտե

Նախագահ` Վարդուհի Ղազարյան

Անդամներ`

Արթուր Գևորգյան
Ռաֆայել Բադալյան
Վահե Մելքոնյան
Հովսեփ Մանջիկյան

Նպատակները և խնդիրները

1. Հայաստանում կլինիկական և հետազոտական ծրագրերի մշակում և իրականացում:
2. Ին‎ֆորմացիայի տրամադրում արտերկրի Ժամանակակից բժշկության տենդենցների վերաբերյալ:
3. Համագործակցում միջազգային բժշկական կազմակերպությունների, համալսարանների և այլ հաստաությունների հետ:
4. Միջազգային դրամաշնորհներ հայցելու համար անհրաժեշտ միջոցառումների ձեռնարկում:
5. ՀԲԱ-ի արտերկրի անդամների համար կրթական ծրագրերի մշակում:
6. Նպաստում ՀԲԱ-ի կրթական և գիտական գործունեւոթյան զարգացմանը: Միջազգային ճանաչում ունեցող վերապատրաստման դասընթացների ներմուծում և միջազգային ստանդարտների ադապտացում:
7. Արտերկրում ՀԲԱ-ի լիազոր ներկայացուցչի նշանակում և աշխատանքների կոորդինացում:

Հրատարակչական կոմիտե

Նախագահ` Վարդան Քարամյան

Նպատակները և խնդիրները

1. Հրատարակչական գործունեության իրականացում:
2. Հայկական Բժշկական Ամսագրի և այլ գիտական ու կրթական նյութերի տպագրում:

Գիտական Խորհուրդ և Մասնագիտական Սեկցիաներ

Ասոցիացիա են ներգրավված մի շարք մասնագիտական սեկցիաներ: Արդեն ձևավորվել են և ընթացիկ գործունեություն են ծավալում հետևյալ սեկցիաները`

• Ներքին հիվանդություններ
• Սրտաբանություն
• Մանկաբարձություն/Գինեկոլոգիա
• Նյարդաբանություն
• Վիրաբուժություն


]]> tag:armeda.am,2008:arm/2.21 2008-07-04T05:21:00Z 2008-07-04T09:23:35Z Dr. Potosyan podartur@gmail.com Նպատակները

Ասոցիացիայի հիմնական նպատակներն են` իր գործունեությամբ նպաստել բժշկագիտության և գործնական բժշկության զարգացմանը, Հայաստանում արդի չափանիշներին համապատասխան առողջապահական համակարգի կայացմանը և քաղաքացիական հասարակության ձևավորմանը:

Խնդիրները


• աջակցել հետդիպլոմային շարունական կրթությանը Հայաստանում
• կազմակերպել բժշկական և բժշկա-կենսաբանական գիտական հետազոտություններ
• նպաստել նորագույն բժշկական տեխնոլոգիաների, մոտեցումների ներդրմանը Հայաստանում
• համագործակցել Հայաստանի և արտերկրի բժշկական կազմակերպությունների հետ
• աջակցել և գործուն մասնակցություն ունենալ առողջապահական համակարգում ընթացող բարեփոխումներին և գործընթացներին
• աջակցել քաղաքացիական հասարակության ձևավորմանն ուղղված իրակնացվող միջոցառումներին
• պաշտպանել իր անդամների իրավունքներն ու շահերը



]]>